Marathi Current Affairs Questions and Answers: स्पर्धा परीक्षा चालू घडामोडी – 09 जानेवारी 2023

Marathi Current Affairs - 9 January 2023

Marathi Current Affairs Questions and Answers: स्पर्धा परीक्षांमध्ये चांगले गुण मिळवण्यासाठी 09 जानेवारी 2023 चे महत्त्वाचे चालू घडामोडींचे प्रश्न वाचा.

Current Affairs in Marathi (चालू घडामोडी) | 09 January 2023

Marathi Current Affairs Questions and Answers are helpful for Competitive exams. Improve your Marathi General Knowledge of Current Affairs to perform better in various Exams like MPSC, PSI-STI-ASO, Police Bharti, Talathi Bharati, and Govt Exams.

Advertisements

नमस्कार मित्रांनो, स्पर्धा परीक्षा डॉट को/कॉम वर स्वागत आहे. चालू घडामोडी हा घटक स्पर्धा परीक्षेच्या दृष्टीने खूप महत्वाचा आहे, दिवसेंदिवस पेपर मध्ये यावर खूप भर दिला जात आहे. त्यामुळे आम्ही spardhapariksha.co येथे चालू घडामोडी वर आधारित जनरल नॉलेज प्रश्न उत्तरे उपलब्ध करत आहोत. स्पर्धा परीक्षा डॉट कॉम वरील चालू घडामोडी प्रश्न उत्तरे (Marathi Current Affairs Questions) बातमी स्रोतांवर आधारित आहेत. या प्रश्नांचा सराव केल्यास एमपीएससी, पोलीस भरती, तलाठी, आरोग्य भरती, यूपीएससी, बँकिंग, एसएससी आणि इतर परीक्षांशी संबंधित संकल्पना आणि तथ्ये दोन्ही टिकवून ठेवण्यास मदत होईल.

Daily Marathi Current Affairs | 09 January 2023

1) राष्ट्रीय प्रवासी दिवस कधी साजरा केला जातो?

उत्तर : 9 जानेवारी

स्पष्टीकरण : परदेशात राहणाऱ्या भारतीयांचे देशाच्या विकासात असलेले योगदान अधोरेखित करण्यासाठी 9 जानेवारीला ‘प्रवासी भारतीय दिवस’ साजरा केला जातो. आजच्याच दिवशी, 1915 साली महात्मा गांधी आफ्रिकेतून भारतात परत आले होते. या दिनाचे औचित्य साधून 2003 साली पहिल्यांदा प्रवासी भारतीय दिवस साजरा करण्यात आला.

2) महाराष्ट्र राज्यात कोणत्या पोलिसांना ‘सर्वोत्कृष्ट पोलीस युनिट’ पुरस्कार 2021 मिळाला?

उत्तर : जालना जिल्हा पोलीस आणि नागपूर शहर पोलीस

स्पष्टीकरण : महाराष्ट्रातील जालना जिल्हा पोलीस आणि नागपूर शहर पोलिसांनी चा ‘बेस्ट पोलीस युनिट’ पुरस्कार पटकावला आहे. कायदा व सुव्यवस्था राखणे, आधुनिक तंत्रज्ञानाचा वापर, समुदाय पोलिसिंग आणि विकासशील प्रशासन अशा विविध श्रेणींमध्ये राज्य पोलिसांना हा पुरस्कार प्रदान करण्यात आला.

3) मार्च 2023 मध्ये G20 परराष्ट्र मंत्र्यांची बैठक कोणत्या ठिकाणी होणार आहे?

उत्तर : दिल्ली

स्पष्टीकरण : G20 परराष्ट्र मंत्र्यांची मार्च 2023 मध्ये नवी दिल्ली येथे बैठक होणार आहे. ही बैठक जगातील सर्वात मोठ्या अर्थव्यवस्थेतील परराष्ट्र मंत्र्यांना एकत्र आणणार आहे. पंतप्रधान नरेंद्र मोदी यांच्या निमंत्रणावरून नवी दिल्ली येथे ही बैठक होणार असून, परराष्ट्र मंत्री एस जयशंकर यांच्या नेतृत्वाखाली ही बैठक होणार आहे.

4) FSSAI द्वारे कोणत्या स्टेशनला 5-स्टार रेटिंगसह ‘इट राइट स्टेशन’ प्रमाणपत्र प्रदान करण्यात आले आहे?

उत्तर : वाराणसी कॅन्ट रेल्वे स्टेशन

स्पष्टीकरण : भारतीय रेल्वेच्या वाराणसी कॅंट रेल्वे स्थानकाला प्रवाशांना उच्च दर्जाचे, पौष्टिक अन्न पुरवल्याबद्दल 5-स्टार ‘इट राइट स्टेशन’ प्रमाणपत्र देण्यात आले आहे. हे प्रमाणपत्र FSSAI द्वारे मानक अन्न साठवणूक आणि स्वच्छता पद्धतींचे पालन करणाऱ्या रेल्वे स्थानकांना दिले जाते.

5) अमित शाह यांच्या हस्ते कोणत्या राज्यात केंद्रीय गुप्तहेर प्रशिक्षण संस्थेची पायाभरणी करण्यात आलेली आहे?

उत्तर : कर्नाटक

स्पष्टीकरण : केंद्रीय गृह आणि सहकार मंत्री श्री अमित शहा यांनी कर्नाटकातील देवनहल्ली येथे केंद्रीय गुप्तहेर प्रशिक्षण संस्थेची (CDTI) पायाभरणी केली आणि इंडो-तिबेट सीमा पोलिसांच्या (ITBP) निवासी आणि प्रशासकीय संकुलांचे उद्घाटन केले.

6) 6 जानेवारी 2023 पासून नवी दिल्ली येथे “एक आठवडा एक प्रयोगशाळा” मोहीम कोणत्या मंत्रालयाने सुरू केली?

उत्तर : विज्ञान आणि तंत्रज्ञान मंत्रालय

स्पष्टीकरण : विज्ञान आणि तंत्रज्ञान मंत्रालयाने रोजी 6 जानेवारी 2023 पासून नवी दिल्ली येथे “एक आठवडा एक प्रयोगशाळा” मोहीम सुरू केली. या कार्यक्रमाचा उद्देश भारतातील तंत्रज्ञानातील प्रगती आणि नवकल्पनांचे प्रदर्शन करणे आणि त्याद्वारे देशातील नाविन्यपूर्ण संस्कृतीला चालना देणे हा आहे. केंद्रीय विज्ञान आणि तंत्रज्ञान मंत्री, जितेंद्र सिंग, यांनी 17 डिसेंबर रोजी 6 जानेवारी 2023 पासून “एक आठवडा, एक प्रयोगशाळा” देशव्यापी मोहीम सुरू करण्याची घोषणा केली होती.

7) टाटा समूहाचे दिग्गज आर के कृष्णकुमार यांचे जानेवारी 2023 मध्ये निधन झाले. त्यांना कोणत्या वर्षी पद्मश्री पुरस्काराने सन्मानित करण्यात आले?

उत्तर : 2009

स्पष्टीकरण : टाटा समूहाचे दिग्गज आणि टाटा सन्सचे माजी संचालक आर के कृष्णकुमार यांचे 1 जानेवारी 2023 रोजी मुंबईत निधन झाले. कृष्णकुमार यांना 2009 मध्ये देशाच्या व्यापार आणि व्यवसायातील योगदानासाठी पद्मश्री सन्मान मिळाला होता.

8) नुकतेच कोणत्या राज्यात बिरसा मुडा आंतरराष्ट्रीय हॉकी स्टेडियमचे उदघाटन करण्यात आले आहे?

उत्तर : ओडिशा

स्पष्टीकरण : ओडिशाचे मुख्यमंत्री नवीन पटनायक भारतातील सर्वात मोठ्या हॉकी स्टेडियमसह उद्घाटन केले आहे. बिरसा मुंडा आंतरराष्ट्रीय हॉकी स्टेडियम हे भारतातील सर्वात मोठ्या हॉकी स्टेडियमपैकी एक आहे.

9) नुकतेच कोणत्या केंद्रीय मंत्रालयाने ‘ड्राफ्ट ऑनलाइन गेमिंग धोरण’ लाँच केले?

उत्तर : इलेक्ट्रॉनिक्स आणि माहिती तंत्रज्ञान मंत्रालय (MEITY)

स्पष्टीकरण : भारतातील ऑनलाइन गेमिंगसाठी मसुदा नियम इलेक्ट्रॉनिक्स आणि माहिती तंत्रज्ञान मंत्रालयाने (MEITY) जारी केला आहे. केंद्र सरकारने ऑनलाइन गेमिंग कंपन्यांसाठी नवीन नियमांचा मसुदा तयार केला आहे. त्यानुसार, या कंपन्यांसाठी स्वयं-नियामक प्रणाली तयार करण्याबरोबरच, त्यांच्या भारतातील पत्त्यांची पडताळणी अनिवार्य करण्याची तरतूद करण्यात आली आहे. नवीन नियमांच्या मसुद्यानुसार, ऑनलाइन गेमिंग कंपन्यांना नवीन आयटी अॅक्ट (माहिती तंत्रज्ञान नियम) अंतर्गत आणले जाईल. हे नियम 2021 मध्ये सोशल मीडिया कंपन्यांसाठी जारी करण्यात आले होते.

10) कोणता खेळाडू रणजी ट्रॉफीच्या इतिहासात सुरुवातीच्या षटकात हॅट्ट्रिक घेणारा पहिला गोलंदाज ठरला आहे?

उत्तर : जयदेव उनाडकट

स्पष्टीकरण : सौराष्ट्रच्या कर्णधारपदाची जबाबदारी सांभाळणाऱ्या जयदेवने दिल्लीविरुद्ध सुरु असलेल्या रणजी ट्रॉफीतील पहिल्या सामन्यात विक्रम रचला. जयदेव उनाडकट डावाच्या पहिल्याच षटकात हॅट्ट्रिक घेणारा रणजी ट्रॉफी इतिहासातील पहिला गोलंदाज ठरला.


दररोज चालू घडामोडी व जनरल नॉलेज प्रश्न-उत्तरे वाचण्यासाठी गूगलवर SpardhaPariksha.co किंवा SpardhaPariksha.com सर्च करा.

Previous articleMaharashtra State Board Class 10 Marathi Kumarbharati Solutions Chapter 19 तू झालास मूक समाजाचा नायक
Next articleआजचा नवीन प्रश्नसंच – पोलीस भरती संभाव्य प्रश्नसंच 8 : भूगोल

LEAVE A REPLY

Please enter your comment!
Please enter your name here